మనీలా: ఫిలిప్పీన్స్‌లోని షరీఫ్ అగ్వాక్ నగరంలో మంగళవారం జరిగిన ఆకస్మిక దాడిలో సౌదీ పౌరుడు మరణించాడు. అతని భార్య తీవ్రంగా గాయపడింది. ఇద్దరు ముష్కరులు మోటార్‌బైక్‌పై వచ్చి సౌదీ జాతీయుడైన సులైమాన్ జమాల్‌పై కాల్పులు జరిపినట్లు పోలీసులు గుర్తించారు. మాగ్విండనావో డెల్ సుర్ ప్రావిన్స్ రాజధాని షరీఫ్ అగువాక్‌లో రద్దీగా ఉండే రహదారిలోముష్కరులు దాడి చేసి పారిపోయారు.  తెల్లటి ఫోర్డ్ పికప్ ట్రక్కులో సులైమాన్ జమాల్‌ దంపతులు వెళుతుండగా ఈ దాడి జరిగింది. బుధవారం విడుదల చేసిన ఒక ప్రకటనలో షరీఫ్ అగ్వాక్ మేయర్ దాతు అక్మద్ మిత్రా అంపటువాన్ ఆకస్మిక దాడిని ఖండించారు. నేరస్థులను గుర్తించి, అరెస్టు చేసి, విచారించాలని పోలీసులను ఆదేశించారు. టౌన్ పోలీస్ చీఫ్ మేజర్ హరోన్ మకాబాండింగ్ మాట్లాడుతూ.. హతమైన విదేశీయుడిని సౌదీ సోలైమాన్ జమాల్ (50), గాయపడిన అతని భార్య బైనోట్ జమాల్ (45)గా గుర్తించినట్లు తెలిపారు. వీరిద్దరూ డాటు పియాంగ్, మగుయిందనావో డెల్ సుర్ నివాసితులని పేర్కొన్నారు.   దాడికి గల కారణాలు మరియు నేరస్థుల గుర్తింపు తెలియరాలేదని మకాబాండింగ్ చెప్పారు. దుండగుల గురించిన సమాచారం తెలిపేవారికి రివార్డును ప్రకటించారు.