కువైట్: అక్టోబర్ 15 నుంచి కువైట్ వింటర్ ల్యాండ్ ప్రేక్షకుల కోసం ప్రారంభం కానుంది. టూరిస్టిక్ ప్రాజెక్ట్స్ కంపెనీ చీఫ్ ఎగ్జిక్యూటివ్ ఆఫీసర్ ఫదేల్ ఎ-దోసరి గురువారం వింటర్ ల్యాండ్ ఎంటర్‌టైన్‌మెంట్ పార్క్‌ను ప్రజలకు అందుబాటులోకి తెస్తామని ప్రకటించారు. రోజుకు 15,000 మంది సందర్శకులకు ఆహ్వానం పలికేందుకు సిద్ధంగా ఉన్నట్లు వెల్లడించారు. మొదటి సీజన్ చాలా విజయవంతమైందని, నాలుగు నెలల్లోనే పార్కు సందర్శకుల సంఖ్య 600,000 దాటిందని ప్రకటించారు. సంవత్సరానికి మూడు మిలియన్లకు పైగా ప్రజలను అలరించే లక్ష్యంతో ఈ ప్రాజెక్ట్ రాబోయే సంవత్సరాల్లో కొనసాగుతుందని అల్ దోసరి తెలిపారు.