యూఏఈ: తూర్పు ప్రాంతాల్లో శనివారం భారీ వర్షాలు కురిసాయి. శనివారం తెల్లవారుజామున దేశంలోని తూర్పు ప్రాంతాలలో వర్షాలు కురుస్తాయని జాతీయ వాతావరణ కేంద్రం అంచనా వేసింది. ఫుజైరా,  రస్ అల్ ఖైమా వంటి ప్రాంతాలలో కుండపోత వర్షం కురిసింది. ఈ మేరకు ఆయా ప్రాంతాలకు NCM ఎల్లోఅలర్ట్‌ను జారీ చేసింది. ఈ ప్రాంతాల్లోని నివాసితులు అవసరమైతేనే బయటకు వెళ్లాలని హెచ్చరించింది. ఈ మేరకు ట్విట్టర్‌లో పలు వీడియోలను షేర్ చేసింది. శనివారం ఉష్ణోగ్రతలు కనిష్టంగా 21ºCకి చేరుకోగా..  గరిష్ట ఉష్ణోగ్రతలు 41ºC నమోదైంది.