దోహా: ఖతార్ రాజధాని దోహా.. కెర్నీ 2023 గ్లోబల్ సిటీస్ ఇండెక్స్‌లో 13 స్థానాలు ఎగబాకింది. ప్రధానంగా అంతర్జాతీయ ప్రయాణ స్వేచ్ఛ ప్రీ-పాండమిక్ స్థాయిలకు తిరిగి రావడం, వలస ప్రతిభను మరియు పర్యాటకాన్ని పెద్ద మొత్తంలో ఆకర్షించడం ద్వారా ఇది సాధ్యమైంది. FIFA ప్రపంచ కప్ ఖతార్ 2022 1.4 మిలియన్ల మంది సందర్శకులను స్వాగతించిన విషయం తెలిసిందే.  ఇటీవలి సంవత్సరాలలో ప్రవేశపెట్టిన ఓపెన్ ఎకనామిక్ పాలసీల ప్రయోజనాల కారణంగా  టాప్ 50లోకి ప్రవేశించింది. ప్రముఖ గ్లోబల్ మేనేజ్‌మెంట్ కన్సల్టింగ్ సంస్థ అయిన కెర్నీ.. ప్రఖ్యాత సూచిక, ప్రపంచ నగరాల స్థాయిలను హైలైట్ చేస్తుంది. క్రీడలు, పర్యాటకం మరియు ఈవెంట్‌ల హబ్‌గా మారిన దోహా మొదటిసారిగా టాప్ 50లోకి చేరుకుందని తెలిపింది. అదే సమయంలో ప్రాంతీయంగా రెండవ స్థానంలో నిలిచింది.  ఈ ర్యాంకింగ్‌లో ఖతార్ ఈ ఏడాది రెండు స్థానాలు ఎగబాకి ప్రపంచంలో 21వ స్థానంలో నిలిచిందని కెర్నీ పార్టనర్ రుడాల్ఫ్ లోహ్మేయర్ తెలిపారు.  మరోవైపు ఐరోపా నగరాలు టాప్ 30 ర్యాంకింగ్స్‌లో ఉన్నాయి. అయితే సియోల్, ఒసాకా, చెన్నైతో సహా ఆసియా గ్లోబల్ హబ్‌లు గణనీయమైన పురోగతిని సాధించాయని పేర్కొన్నారు.