యూఏఈ: యునైటెడ్ స్టేట్స్ పర్యటనకు ప్లాన్ చేస్తున్న యూఏఈ నివాసితులు ఓపిక పట్టాలి. ఎందుకంటే US వీసా కోసం ముందస్తు అపాయింట్‌మెంట్ ఒక సంవత్సరం తర్వాత మాత్రమే అందుబాటులో ఉందని ట్రావెల్ రంగ నిపుణులు తెలిపారు. “యుఎస్‌కి వెళ్లడానికి యూఏఈ నివాసితులలో అపూర్వమైన డిమాండ్ ఉంది. దుబాయ్‌లో అందుబాటులో ఉన్న తేదీ అక్టోబర్ 18, 2024. అబుదాబిలో నవంబర్ 2024లో మాత్రమే ఉంటుంది.” అని రిజాయిస్ టూరిజం LLC జనరల్ మేనేజర్ ధాస్ ఆంటోనీ అన్నారు. ఆరు నుండి ఎనిమిది నెలల క్రితం చాలా మంది ఆసక్తిగల నివాసితులు తమ అపాయింట్‌మెంట్‌లను పొందడంతో యూఏఈలో వీసా అపాయింట్‌మెంట్‌ల స్లాట్‌లు ప్రతిరోజూ వేగంగా అయిపోతున్నాయని నిపుణులు తెలిపారు. స్లాట్‌లు బుక్ అవుతున్నందున, రాబోయే రోజుల్లో మార్చి 2025 వరకు అపాయింట్‌మెంట్‌లు అందుబాటులో ఉండవని  రీగల్ టూర్స్ వరల్డ్‌వైడ్‌లో ఇన్‌బౌండ్ మరియు అవుట్‌బౌండ్ కార్యకలాపాలకు సీనియర్ మేనేజర్ సుబైర్ తెకెపురాత్వలప్పిల్ అన్నారు. అయితే, ప్రత్యామ్నాయంగా యూఏఈ నివాసితులు ఏదైనా జిసిసి దేశంలో యుఎస్ వీసా అపాయింట్‌మెంట్‌ను అభ్యర్థించాలని, కేవలం కొన్ని రోజుల నుండి ఒక నెలలోపు వీసాలను పొందవచ్చని నిపుణులు తెలిపారు. సౌదీ అరేబియాలో ఒక వారం వ్యవధిలో అపాయింట్‌మెంట్ అందుబాటులో ఉందని, వచ్చే నెలలో కువైట్ మరియు ఒమన్‌లలో లభిస్తుందని  సుబైర్ చెప్పారు.

US విజిట్ వీసాలలో రెండు రకాలు

B1 వీసా: వ్యాపార ప్రయోజనాల కోసం ప్రయాణిస్తున్నట్లయితే US వ్యాపార వీసా కోసం దరఖాస్తు చేయాలి. ఈ వీసాని బి1 వీసా అని కూడా అంటారు.

B2 వీసా: పర్యాటకం కోసం పర్యాటక వీసాను B2 వీసా అని కూడా అంటారు. సందర్శన వీసా ఒక వ్యక్తి USలోకి ప్రవేశించడానికి మరియు ఆరు నెలల వరకు అక్కడ ఉండడానికి వీలు కల్పిస్తుంది.DS-160 ఆన్‌లైన్ ఫారమ్‌ను పూర్తి చేయడం ద్వారా పొందవచ్చు.