ఖతార్ మునిసిపాలిటీ మరియు అర్బన్ ప్లానింగ్ మంత్రిత్వశాఖ వారి సహకారంతో ఆర్ధిక మరియు వాణిజ్య మంత్రిత్వ శాఖ ఇన్స్పెక్టర్లు దేశమంతటా ఉన్న దుఖాణాలలో ఆకస్మిక తనిఖీలు నిర్వహించారు. వారు దోహా, మొయితెర్ మరియు అల్ రయ్యాన్ లలో తప్పుడు లేబుల్స్ అతికించిన, ఆమోడిత ధరల పట్టికను అతిక్రమించిన 8 దుఖాణాలను గుర్తించారు.  సల్వా రోడ్డులోని గురు-శుక్రవారాల మార్కెట్లో మొబైల్ ఫోన్లు, కాస్మెటిక్స్ వంటి షాపులలో 18 అతిక్రమణలకు, సరైన క్వాలిటీ టైర్లను అమ్మనందుకు 10 దుఖానాలకు; అల్ ఘరాఫ్ మరియు సల్వా కమర్షియల్ స్ట్రీట్ లోని 6 మొబైల్ షాపుల వారికి అతిక్రమణ నోటీసులిచ్చారు. 
 దేశంలోని వివిధ ప్రాంతాలలోని వాణిజ్య కేంద్రాలలో  వినియోగదారుల సంక్షేమం మరియు గారంటీని పెంపొందించడానికి  ఈ విధమైన తనిఖీ పర్యటనలు కొనసాగుతాయని అధికారులు తెలిపారు. 

--వి.రాజ్ కుమార్(మాగల్ఫ్ ప్రతినిధి,ఖతార్)