కువైట్ నెత్తురోడింది. నగరంలోని షియా వర్గానికి చెందిన అల్ సాదిఖ్ మసీదులో రమదాన్ ప్రార్ధనలు జరుగుతుండగా ఆత్మాహుతి దాడి జరిగింది. ఉగ్రవాద ఆత్మాహుతి దళ సభ్యుడు తనను తాను పేల్చి వేసుకున్నాడు. ఈ ఘటనలో 10 మంది చనిపోయారు 30 మంది గాయపడ్డారు.క్షతగాత్రులను ఎమిరి ఆసుపత్రికి తరలించి చికిత్స అందిస్తున్నారు. పేలుడు తీవ్రతకు మసీదు గోడలు కూలిపోయాయి. సాధారణంగా ప్రశాంతంగా ఉండే కువైట్ తాజా ఆత్మాహుతి దాడితో ఒక్కసారిగా ఉలిక్కిపడింది. ఘటనా స్థలానికి చేరుకున్న పోలీసులు ఆధారాలు సేకరించేపనిలో పడ్డారు.అన్ని మసీదుల దగ్గర హై ఎలర్ట్ ప్రకటించారు.

(మాగల్ఫ్ ప్రతినిధి,కువైట్)