అకాడమీ ఆఫ్ మోషన్ పిక్చర్స్ అండ్ ఆర్ట్స్ ఇటీవల యాక్టర్స్ బ్రాంచ్‌లోకి కొంతమంది కొత్త సభ్యుల్ని ఎంపిక చేసింది. తాజాగా మరికొంతమంది ప్రతిభావంతులైన యువ నటుల్ని ఆ బ్రాంచ్‌లోకి చేర్చింది. ఆ లిస్గులో మెగా పవర్ స్టార్ రామ్ చరణ్ కూడా చేరడం విశేషం.

ఇటీవలే ఈ యాక్టర్స్ బ్రాంచ్‌లోకి ఎన్టీయార్ పేరు చేరింది. తాజాగా రామ్ చరణ్ కూడా చోటు దక్కించుకోవడంతో మెగా అభిమానులు చరణ్‌కి శుభాకాంక్షలు తెలుపుతున్నారు.

‘ఆర్ఆర్ఆర్’ సినిమాతో రామ్ చరణ్, ఎన్టీయార్ గ్లోబల్ స్టార్స్‌గా అరుదైన గౌరవం దక్కించుకున్నారు. అంతర్జాతీయ స్థాయి గుర్తింపు తెచ్చుకున్నారు.

తాజాగా ఆస్కార్ యాక్టర్స్ బ్రాంచ్ అకాడమీలోనూ చోటు దక్కించుకోవడంతో రామ్ చరణ్‌కి ఇండస్ర్టీ ప్రముఖులు ప్రత్యేకమైన శుభాకాంక్షలు తెలుపుతూ సోషల్ మీడియాలో విషెస్ పంపిస్తున్నారు.

ప్రస్తుతం వరుణ్ తేజ్, లావణ్య త్రిపాఠి వివాహ వేడుక సందర్భంగా రామ్ చరణ్ ఇటలీలో సందడి చేస్తున్న సంగతి తెలిసిందే. అలాగే, ‘గేమ్ ఛేంజర్’ సినిమాలో ఆయన ప్రస్తుతం నటిస్తున్నారు.