సినీ వినీలాకాశంలో ధృవతారగా నిలిచి, మధురమైన గానంతో అందరి హృదయాలను తొలిచి, ప్రపంచాన్నే ఆనందబరచి, లెక్కకు మిక్కిలి అవార్డులు గెలిచి, తెలుగుతనాన్ని మీ భాషలో మలిచి, ఎందరో ఆరాధ్య దైవంగా కొలిచి, 'బాలు' అన్న ముద్దు పేరుతో పిలిచి, అసమాన ప్రతిభకు అలవోక రూపంగా, గానామృతానికి మాధుర్యాన్ని జోడించి, నవ యువ గాయకులకు మార్గ నిర్దేశకులుగా, సమయస్ఫూర్తికి చతురోక్తులకు మారు పేరుగా,తెలుగుతనానికి అనుసంధాన కర్తగా, దేశ విదేశాల్లో తెలుగు జాతి ఆణిముత్యంగా, ఎనలేని ఎత్తైన కీర్తిశిఖరాలను అధిగమించి, పరిణతి చెందిన ప్రతిభకు నిలువుటద్దంగా, అనుభవానికే ఆదర్శప్రాయంగా, తరుగుతున్న తెలుగు ఒరవడికి ప్రాణం పోసి, అనేక కార్యక్రమాలలో తెలుగుభాష గొప్పదనాన్ని అందరి దరిచేరేలా ప్రయత్నాలు చేస్తూ, ప్రయాణాన్ని సాగిస్తూ గానగాంధర్వునిగా చిరస్థాయిగా నిలిచిపోయిన మీ పేరు, చేయలేరు ఎవరూ తారుమారు.

ఇది నిజం. ఇది సత్యం. ఇది అసలుసిసలైన నిజమైన సత్యం.

                                -----యస్.పి.సోమ సుందర్, దుబాయ్.