దోహా: గాజాలో మానవతావాద సంధిని(హ్యూమటేరియన్ ట్రూస్) గాజా స్ట్రిప్‌లో శుక్రవారం ఉదయం 7 గంటలకు (దోహా సమయం ఉదయం 8 గంటలకు) నవంబర్ 24న ప్రారంభమవుతుందని ఖతార్ విదేశీ వ్యవహారాల మంత్రిత్వ శాఖ (MoFA) అధికారిక ప్రతినిధి డాక్టర్ మజిద్ బిన్ మొహమ్మద్ అల్ అన్సారీ ప్రకటించారు. మొదటి బ్యాచ్ బందీలను రేపు(శుక్రవారం) సాయంత్రం 4 గంటలకు గాజా నుండి విడుదల చేస్తారని, ఇందులో 13 మంది మహిళలు మరియు పిల్లలు ఉన్నారని తెలిపారు. అల్ అన్సారీ ప్రకారం, 50 మంది హమాస్ బందీలను నాలుగు రోజుల్లో విడుదల చేస్తారు. విడుదల చేయబోయే బందీల జాబితాను ఇజ్రాయెల్ ఇంటెలిజెన్స్ సర్వీసెస్‌కు ఇప్పటికే అందజేశారు.