బహ్రెయిన్: ది ఇండియన్ స్కూల్ బహ్రెయిన్ (ISB)లో 5వ తరగతి చదువుతున్న తమన్నా మనేష్ కుమార్ తన 29-సెంటీమీటర్ల పొడవాటి జుట్టును బహ్రెయిన్‌లోని క్యాన్సర్ రోగులకు డొనేట్ చేసి తన దయాగుణాన్ని చాటుకుంది. ఆమె తన కుటుంబంతో కలిసి జుఫైర్‌లో నివసిస్తోంది. తమన్నా విరాళంగా ఇచ్చిన జుట్టు కీమోథెరపీ చేయించుకుంటున్న క్యాన్సర్ పేషెంట్ల కోసం విగ్‌లను రూపొందించడానికి ఉపయోగించనున్నారు. అద్లియాలోని బహ్రెయిన్ క్యాన్సర్ సొసైటీ అధికారులకు జుట్టును అధికారికంగా అందజేశారు. చిన్న వయస్సులోనే ఇలాంటి దయాగుణంతో కూడిన చర్యలను తమ కుమార్తె అర్థం చేసుకున్నందుకు గర్విస్తున్నట్లు తమన్నా తల్లిదండ్రులు తెలిపారు. ఐఎస్‌బి గౌరవ చైర్మన్, ప్రిన్స్ ఎస్. నటరాజన్, గౌరవ కార్యదర్శి సాజి ఆంటోని, ప్రిన్సిపల్ వీఆర్ పళనిస్వామి తమన్నాను అభినందించారు.