బహ్రెయిన్: అరబ్ ఇంటర్నేషనల్ సైబర్ సెక్యూరిటీ కాన్ఫరెన్స్ అండ్ ఎగ్జిబిషన్ (AICS) వరుసగా రెండవసారి బహ్రెయిన్ రాజ్యంలో జరుగనుంది. క్రౌన్ ప్రిన్స్, సాయుధ దళాల డిప్యూటీ సుప్రీం కమాండర్, హిస్ రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా ఆధ్వర్యంలో డిసెంబర్ 5, 6వతేదీలలో జరుగనుంది. బహ్రెయిన్ ఇంటర్నేషనల్ ఎగ్జిబిషన్ సెంటర్‌లో జరుగుతున్న ఈ రెండు రోజుల సదస్సు అరబ్ ప్రపంచంలో సైబర్ సెక్యూరిటీ యొక్క ప్రాముఖ్యతపై చర్చిస్తారు. టెక్నాలజీపై పెరగడంతో ప్రపంచ దేశాలు ఎదుర్కొంటున్న సైబర్ క్రైమ్స్ దృష్ట్యా, సైబర్‌ సెక్యూరిటీ రంగంలో సవాళ్లను పరిష్కరించడానికి మరియు వినూత్న పరిష్కారాలను అన్వేషించడం ఈ సదస్సు లక్ష్యం. అరబ్ ప్రాంతం అంతటా విజ్ఞాన మార్పిడి, సహకారాన్ని పెంపొందించడం, సైబర్‌ సెక్యూరిటీ అవగాహన కోసం ఈ సదస్సు వేదికగా ఉపయోగపడుతుంది. ఈ సందర్భంగా కీలక ప్రసంగాలు, ప్యానెల్ చర్చలు, వర్క్‌షాప్‌లు మరియు సైబర్‌ సెక్యూరిటీలో తాజా ఆవిష్కరణలు, పరిణామాలను ప్రదర్శించే ఎగ్జిబిషన్‌తో కూడిన సమగ్ర ప్రోగ్రామ్‌ను అందిస్తుంది.