దుబాయ్: ఇంట్లో కుప్పకూలి 13 ఏళ్ల భారతీయ విద్యార్థి(8వ తరగతి విద్యార్థి) మృతి చెందాడు. దీంతో విషాదఛాయలు ఏర్పడ్డాయి.  బుధవారం ఇంట్లో చదువుకుంటూ కుప్పకూలిన 13 ఏళ్ల విద్యార్థిని ఆస్పత్రికి తరలించారు. "అతను ఇంట్లో చదువుతున్నప్పుడు అకస్మాత్తుగా కుప్పకూలిపోయాడు" అని సామాజిక కార్యకర్త నసీర్ వాటనపల్లి చెప్పారు. "అతన్ని ఆసుపత్రికి తరలించినప్పుడు, అతను మెదడు రక్తస్రావంతో బాధపడుతున్నాడని డాక్టర్లు గుర్తించారు. అతన్ని వెంటిలేటర్‌పై ఉంచారు, కానీ అతను కోలుకోలేదు.’’ అని పేర్కొన్నారు. బాలుడు చాలా చురుకైన వాడని, ఫుట్‌బాల్ ఆడేవాడని, కరాటే నేర్చుకున్నాడని కుటుంబసభ్యులు చెప్పారు. మృతిచెందిన బాలుడికి  ఒక చెల్లెలు ఉన్నారు. అధికారిక ప్రక్రియల అనంతరం బాలుడి మృతదేహాన్ని దక్షిణ భారత రాష్ట్రమైన కేరళలోని కుటుంబ స్వగ్రామానికి తరలించనున్నారు.