కువైట్: జనవరి 1, 2024 నుండి 'సహెల్' అప్లికేషన్ ద్వారా వాహన యాజమాన్యాన్ని బదిలీ,పునరుద్ధరణను ప్రారంభించనున్నట్లు అంతర్గత మంత్రిత్వ శాఖ వెల్లడించింది.  నవంబర్ 27న ఇంటీరియర్ ఇన్ఫర్మేషన్ సిస్టమ్స్ జనరల్ డిపార్ట్‌మెంట్‌లో కువైట్ ఇన్సూరెన్స్ ఫెడరేషన్ ప్రతినిధులతో జరిగిన సమావేశంలో అంతర్గత వ్యవహారాల మంత్రిత్వ శాఖ అండర్ సెక్రటరీ లెఫ్టినెంట్ జనరల్ అన్వర్ అల్-బర్జాస్ ఈ మేరకు ప్రకటించారు. వాహనాల పునరుద్ధరణ మరియు యాజమాన్యం బదిలీతో సహా అన్ని సేవలను ఆన్‌లైన్‌లో అందించడానికి మంత్రిత్వ శాఖ ఆసక్తిగా ఉందని ఆయన తాజాగా మరోసారి పేర్కొన్నారు.