‘ఎగిరే చిలకమ్మా.. అక్కడ ఏం రాసుందమ్మా..’ అంటూ పవన్ కళ్యాణ్‌తో ఆటపట్టించుకున్న ముద్దుగుమ్మ గుర్తుందా.? అదేనండీ.! ‘బంగారం’ సినిమాలో హీరోయిన్‌గా నటించిన మీరా చోప్రా.

తెలుగులో చాలా తక్కువ సినిమాలే చేసిందీ అందాల భామ. కానీ, కాంట్రవర్సీలు మాత్రం ఎక్కువగా మోసింది. రకరకాల పేర్లతో సినిమాల్లో నటించిన ఈ ముద్దుగుమ్మ మీరా చోప్రాగానే తెలుగు ప్రేక్షకులకు ఎక్కువగా గుర్తుందనుకోండి.

అసలు విషయానికి వస్తే, ప్రస్తుతం ఓ హిందీ సినిమాలో మీరా చోప్రా నటిస్తోంది. అదే ‘సఫేద్’. ఈ సినిమా కోసం విధవరాలి పాత్రలో కనిపించబోతోంది మీరా చోప్రా.

తాజాగా ఈ పాత్రకి సంబంధించిన లుక్ ఒకటి సోషల్ మీడియాలో హల్ చల్ చేస్తోంది. వైట్ శారీలో వున్న మీరా చోప్రాని చూసి ఈమె ఆమేనా.? అనే ఆశ్చర్యం కలుగుతోంది. అంతలా మేకోవర్ మీరా చోప్రాలో.

ఇంతకీ ‘సఫేద్’ కథేంటీ.? ఎందుకోసం ఆమె విధవరాలుగా మారాల్సి వచ్చింది.? మీరా చోప్రా భర్త పాత్ర పోషించిందెవరు.? తెలియాలంటే, లెట్స్ వెయిట్ అండ్ సీ.!