కళ్యాణ్ రామ్ తాజా సినిమా ‘డెవిల్’కి సంబంధించి మరో కాంట్రవర్సీ తెరపైకి వచ్చింది. ఈ సినిమాకి అభిషేక్ నామా నిర్మాత. కానీ, ఈయనే ఇప్పుడు దర్శకుడి లిస్టులో చెలామనీ అవుతున్నాడు.

అసలు దర్శకుడి పేరు కూడా బయటికి రానీయకుండా చేస్తున్నారు. అసలు ‘డెవిల్’ ఒరిజినల్ డైరెక్టర్  నవీన్ మేడారం. కొంత భాగం షూటింగ్ పూర్తయ్యాక ఈయన్ని పక్కన పెట్టేసి అభిషేక్ నామానే దర్శకుడయిపోయారు.

ఆయన నిర్మాత అన్న సంగతి అందరికీ తెలిసిందే. పెద్ద నిర్మాత కూడా. కానీ, నవీన్ మేడారం కొత్త దర్శకుడు. ఇప్పుడిప్పుడే ఇండస్ర్టీకి పరిచయం కావల్సి వుంది.

ఈ సినిమా హిట్ అయితే, ‘బింబిసార’ ఫేమ్ వశిష్ట మాదిరి పేరు తెచ్చుకోగల సత్తా వున్న దర్శకుడు. కానీ, మధ్యలోనే అన్యాయం జరిగింది.

‘కథ నాది.. సినిమాలోని ప్రతీ సీన్ కోసం ఎంతో కష్టపడి పని చేశా.. కానీ, చివరికి వచ్చేసరికి నా పేరు లేకుండా చేశారు..’ అంటూ దర్శకుడు నవీన్ మేడారం తాజాగా ఓ ప్రెస్ నోట్ రిలీజ్ చేశారు సోషల్ మీడియా వేదికగా.

కొత్త దర్శకుడు కాబట్టి నవీన్‌ని తొక్కేశారా.? అభిషేక్ నామా వంటి పెద్ద నిర్మాతతో నవీన్ ఫైట్ చేయలేడు. కొత్త దర్శకుల్ని ఎప్పుడూ ఎంకరేజ్ చేసే కళ్యాణ్ రామ్ కూడా ఇలా చేయడం ఏమంత బాగాలేదు.. అంటూ కొందరు నవీన్ మేడారంకి సపోర్ట్‌గా నిలుస్తున్నారు.