రామ్ గోపాల్ వర్మ సినిమాలు ఎందుకు తీస్తాడో ఆయనకే తెలీదు. కొన్ని సినిమాలు టైటిల్ అనౌన్స్ దగ్గరే ఆగిపోతాయ్. ఇంకొన్ని సినిమాలు సెట్స్ మీదికెళ్లాకా ఆగిపోతాయ్. మరికొన్ని అయితే, రిలీజ్ కాకుండానే ఆగిపోతాయ్.

తాజాగా ‘వ్యూహం’ అనే సినిమా తీశాడు. ఈ సినిమా ఈ నెల 29న రిలీజ్ కావల్సి వుంది. కానీ, ఆగిపోయింది. దాంతో, అనవసరమైన ప్రేలాపనలు పేలుతూ సోషల్ మీడియాలో హల్‌చల్ చేస్తున్నాడు ఎప్పటిలాగే వర్మ.

అప్పుడెప్పుడో ‘లక్ష్మీస్ ఎన్టీయార్’ అనే సినిమా తెరకెక్కించాడు. ఆ సినిమా ఎన్ని వివాదాలు ఎదుర్కొందో ప్రత్యేకంగా చెప్పక్కర్లేదు. అదే విధంగా ఇప్పుడు ‘వ్యూహం’ కూడా.

అయితే, ఈ సినిమాకి నిర్మాత వైసీపీ నేత కావడంతో, ఎన్నికలు దగ్గర చేసి, టైమ్ చూసుకుని సినిమాని రిలీజ్ చేస్తారో ఏమో అనుకుంటున్నారు కొందరు.

మరోవైపు.. కాదు ఈ ఈ సినిమా వచ్చేదీ కాదు, సచ్చేదీ కాదు.. ఓటీటీలోనో, యూట్యూబ్‌లోనో రిలీజ్ చేసుకోవాలంతే.. అంటున్నారు. చూడాలి మరి ఏం చేస్తాడో వర్మ.!