రీ ఎంట్రీ టైంలో జగపతి బాబుకి కలిసి వచ్చినంతలా ఏవరికి కలిసి రాలేదేమో.. ఎప్పుడైతే హీరో కాస్త విలన్ అయ్యాడో అప్పటినుండి జగ్గు భాయ్ కు అదృష్టం వరించింది. తెలుగు, తమిళ, మలయాళం ఇలా అన్ని భాషల్లో జగపతిబాబు ప్రత్యేక పాత్రల్లో అదరగొట్టేస్తున్నాడు. అయితే ఇప్పుడు ఆయన పనితనం గురించి హాలీవుడ్ దర్శక నిర్మతలకు కూడా తెలిసింది. అదెలా అంటే ఏకంగా స్పీల్ బర్గ్ తీసిన సినిమాలో జగపతి బాబు వాయిస్ ను తీసుకోవడం విశేషం. జగపతి బాబు వాయిస్ స్పీల్ బర్గ్ సినిమాకా అని ఆశ్చర్యపోవచ్చు.. ప్రపంచ గొప్ప దర్శకుల్లో స్పీల్ బర్గ్ ఒకరు.ఆయన తీసిన 'ది బి.ఎఫ్.జి' సినిమా తెలుగు, తమిళ భాషల్లో గ్రాండ్ గా రిలీజ్ చేయాలని చూస్తున్నారు. సినిమాలో 24 అడుగుల ఎత్తు ఉండే ఓ మనిషి.. పదేళ్ల చిన్నపాపతో మధ్య జరిగే కథ ఈ సినిమా. జూలై 1న రిలీజ్ అవుతున్న ఈ సినిమాకు 24 అడుగుల గల మనిషి వాయిస్ కు జగపతి బాబు తెలుగు, తమిళ భాషలో డబ్బింగ్ చెబుతున్నాడట. ఎంతోమందిని టెస్ట్ చేసి చూసిన ఆ క్యారక్టర్ కు జగ్గు భాయ్ వాయిస్ కరెక్ట్ మ్యాచ్ అవడంతో అతనికే ఫిక్స్ అయ్యారట. సో అలా మొత్తానికి హాలీవుడ్ సినిమాలో ఛాన్స్ కొట్టేశాడు జగపతిబాబు. ప్రస్తుతం చేతినిండా సినిమాలతో బిజీగా ఉన్న బాబు స్టార్ హీరోలతో వరుసెంట సినిమాలు చేస్తున్నాడు.