మహేష్ బాబు ఈ ఏడాది సంక్రాంతికి ‘గుంటూరు కారం’ సినిమాతో రాబోతున్న సంగతి తెలిసిందే. ఈ సినిమా టైటిల్ అనౌన్స్ దగ్గర నుంచీ అంచనాలు రేకెత్తిస్తూనే వుంది.

ఇక, ఇప్పుడు రిలీజ్ దగ్గర పడుతున్న కొద్దీ.. చిత్ర యూనిట్ చేస్తున్న సందడితో ఆ అంచనాలు మరిన్ని రెట్లవుతున్నాయ్.

తాజాగా ఈ సినిమా నుంచి వదిలిన మాస్ బీట్ సాంగ్ టీజర్‌కి మంచి రెస్పాన్స్ వస్తోంది. అంతేకాదు, లేటెస్ట్‌గా జరిగిన ప్రీ రిలీజ్ ఈవెంట్ కూడా సినిమాపై ఎక్స్‌పెక్టేషన్స్‌ని మరింత పెంచేసింది.

ఇదంతా ఇలా వుంటే, మరోవైపు ప్రీ రిలీజ్ బిజినెస్ షాకింగ్ రేంజ్‌లో జరుగుతోంది. ఫస్ట్ డే మల్టీ‌ఫ్టెక్స్‌లో 41 షోలు రికార్డు క్రియేట్ చేస్తోంది. హైద్రాబాద్‌లోని ఓ మల్టీ‌ఫ్లెక్స్‌లో ఫస్ట డే 41 షోలు ప్రదర్శించి రికార్డు సృష్టించబోతున్నారు.

మీనాక్షి చౌదరి, శ్రీలీల ఈ సినిమాలో హీరోయిన్లుగా నటిస్తున్నసంగతి తెలిసిందే. త్రివిక్రమ్ మార్క్ టీజింగ్ సన్నివేశాలతో ట్రైలర్ కూడా అదిరిపోయింది.

అలాగే యాక్షన్ ఎపిసోడ్స్ మహేష్ స్థాయిలో సూపర్బ్‌గా తెరకెక్కించాడు దర్శకుడు త్రివిక్రమ్ శ్రీనివాస్. చూడాలి మరి, సంక్రాంతికి ‘గుంటూరు కారం’ ఘాటు ఏ రేంజ్‌లో వ్యాపించనుందో.!