తమిళ డబ్బింగ్ మూవీస్‌తోనే ఆ ముద్దుగుమ్మ తెలుగు ప్రేక్షకులకు సుపరిచితురాలైంది. తెలుగులో ఇంతవరకూ స్ట్రెయిట్ సినిమా చేయకపోయినా.. టాలీవుడ్ ఆడియన్స్‌కి ఈ ముద్దుగుమ్మ క్రేజీయెస్ట్ హీరోయినే.

ఆమె మరెవరో కాదు, మాళవికా మోహనన్. తెలుగులోనే ఈ మలయాళ కుట్టి కెరీర్ స్టార్ట్ చేయాల్సి వుంది. సెన్సేషనల్ స్టార్ విజయ దేవరకొండతో ‘హీరో’ సినిమాలో హీరోయిన్‌గా ఎంపికైంది.

అయితే, ఆ సినిమా మధ్యలోనే ఆగిపోయింది. ఆ తర్వాత ‘మాస్టర్’, ‘మారన్’ తదితర తమిళ సినిమాలతో టాలీవుడ్‌లోనూ క్రేజ్ దక్కించుకుంది. ఇక, ఇప్పుడే మళ్లీ ప్రబాస్ సరసన హీరోయిన్‌గా నటించాల్సి వుంది.

అంతా బాగానే వుంది. ప్రబాస్, మారుతి కాంబో మూవీలో ఈ అందాల భామ హీరోయిన్ అని అప్పుడెప్పుడో ప్రకటించేశారనుకోండి. అయితే, ఈ ప్రాజెక్ట్ మళ్లీ ఇప్పుడే తెరపైకి వచ్చింది. టైటిల్ అనౌన్స్‌మెంట్ ద్వారా.

టైటిల్ బాగా లేదంటూ ఫ్యాన్స్ చేస్తున్న రచ్చ ఓ వైపు.. మారుతితో సినిమా వద్దంటూ చేస్తున్న రచ్చ ఇంకో వైపు.! అసలు ఈ సినిమా అయినా వచ్చేదేనా.! అంటూ అనుమానాలు మొదలవుతున్నాయ్. అదేంటో.. తమిళంలో వరుసగా స్టార్ హీరోలతో స్క్రీన్ షేర్ చేసుకుంటూ స్టార్‌డమ్ సంపాదించుకుంటున్న మాళవికకు టాలీవుడ్‌లో ఒక్క సినిమా కూడా సరైనది పడడం లేదెందుకో.!