యూఏఈ: యూఏఈలోని కొన్ని కంపెనీలు కొన్ని దక్షిణాసియా జాతీయత గల ఉద్యోగుల కోసం వర్క్ వీసాలను పొందలేకపోతున్నాయి. ఒకే జాతీయత నుండి అధిక సంఖ్యలో ఉద్యోగులను కలిగి ఉన్న కంపెనీలు అదే జాతీయతకు చెందిన వ్యక్తుల కోసం కొత్త వీసాల కోసం దరఖాస్తు చేసినప్పుడు.. నియామకం చేసేటప్పుడు జనాభా వైవిధ్యాన్ని పాటించడని మెసేజులు వస్తున్నాయని కొన్ని కంపెనీల అధికారులు చెబుతున్నారు. అయితే,  భారతీయులు, పాకిస్థానీలు, బంగ్లాదేశీయులకు వీసాల జారీని యూఏఈ నిలిపివేసిందన్న వైరల్ వాదనలను వీసా నిపుణులు, ఏజెంట్లు నిర్ద్వందంగా తోసిపుచ్చారు. వనరులు మరియు ఎమిరేటైజేషన్ (MoHRE) మంత్రిత్వ శాఖను దుబాయ్‌లోని ఒక వ్యాపార సేవా కేంద్రం మానవ సంప్రదించినప్పుడు.. నియామకం చేసేటప్పుడు సంస్థలు తప్పనిసరిగా జాతీయత వైవిధ్యాలను పాటించాలని స్పష్టం చేసిందట. ఆయా కంపెనీలు తప్పనిసరిగా అందుబాటులో ఉన్న కోటాలలో మొదటి 20 శాతం వివిధ జాతీయులకు కేటాయించినట్లు నిర్ధారించుకోవాల్సి ఉంటుందని చెప్పినట్లు నిపుణులు పేర్కొన్నారు. ఈ విధానం వల్ల స్థాపనల జనాభా వైవిధ్యంతో ముడిపడి ఉందని, ర్దిష్ట జాతీయతతో సంబంధం లేదని గమనించాలని కూడా మంత్రిత్వ శాఖ సూచించిందని తెలిపారు.  కంపెనీ వర్క్‌ఫోర్స్‌లో మొదటి 20 శాతం మంది తప్పనిసరిగా విభిన్నంగా ఉండేలా చూసుకుంటున్నట్లు ఒక కంపెనీ ప్రతినిధి స్పష్టం చేశారు. 20% వైవిధ్యాన్ని సాధించిన తర్వాత కంపెనీలు ఏదైనా జాతీయతను నియమించుకునే స్వేచ్ఛను కంపెనీలు కలిగి ఉంటాయని తెలిపారు. భారతీయులకు వీసాల జారీని అధికారులు నిలిపివేసినట్లు సోషల్ మీడియాలో వచ్చిన వార్తలను దుబాయ్‌కి చెందిన ప్రొఫౌండ్ బిజినెస్ సర్వీస్ మేనేజింగ్ డైరెక్టర్ ఫిరోసేఖాన్ ఖండించారు. విభిన్నమైన వర్క్‌ఫోర్స్ ఉన్న కంపెనీలో భారతీయ దరఖాస్తుదారు కోసం వీసా దరఖాస్తు చేసిన సమయంలో కచ్చితంగా వైవిధ్యం మెసేజ్ వస్తుందని చెప్పారు.  “యుఎఇలోని చాలా కంపెనీలలో భారతీయులు, పాకిస్థానీయులు,  బంగ్లాదేశీయులు ఎక్కువ మంది ఉద్యోగులుగా ఉన్నారు. కాబట్టి ఒక కంపెనీలో ఇప్పటికే ఈ మూడు దేశాలకు చెందిన ఉద్యోగులు పెద్ద సంఖ్యలో ఉన్నట్లయితే, వారు అదే దేశాలకు చెందిన వ్యక్తుల కోసం కొత్త వీసాల కోసం దరఖాస్తు చేయలేరు. ”అని అల్ మాస్ బిజినెస్‌మెన్ సర్వీస్ జనరల్ మేనేజర్ అబ్దుల్ గఫూర్ తెలిపారు. అయితే, ఈ నియమం ఫ్రీజోన్‌లకు వర్తించదన్నారు. ఫ్రీ జోన్‌ల నుండి పనిచేస్తున్న కంపెనీలలో ఏదీ వర్క్ పర్మిట్‌లను జారీ చేయడంలో సమస్యలను ఎదుర్కోలేదని ఆయన చెప్పారు.  2022లో మూడు-స్థాయి వర్గీకరణ వ్యవస్థను మంత్రిత్వ శాఖ ప్రకటించింది. నియామకం సమయంలో వైవిధ్యాన్ని సాధించడం అనేది కంపెనీలు అధిక వర్గీకరణను పొందేందుకు ప్రమాణాలలో ఒకటిగా నిర్దేశించారు. ఇది వర్క్ పర్మిట్‌లు, బదిలీ రుసుములపై తగ్గింపులకు అర్హత పొందేలా నిబంధనలను రూపొందించారు.