తెలంగాణ రాష్ట్ర ఆవిర్బావ దినోత్సవం సందర్బంగా రాష్ట్ర ప్రభుత్వం అవార్డులను ప్రకటించింది. ఈమేరకు ఇవాళ జీవో నెంబర్ 336 విడుదల చేసింది. వివిధ రంగాలకు చెందిన 62 మంది ప్రముఖులకు అవార్డులను ప్రకటిస్తున్నట్టు జీవోలో పేర్కొంది. మొత్తం 29 విభాగాల్లో పురస్కారాలను అందజేయనున్నారు. సాహిత్యం-7, నృత్యం-2, జానపద నృత్యం-1, సంగీతం-2, జానపద సంగీతం-5, ఉద్యమగానం-3, పెయింటింగ్-1, వేద పండితులు-1, అర్చకులు-2, ఆధ్యాత్మికం-1, సైంటిస్టులు-3, జర్నలిస్టులు-6, హస్త కళలు-6, క్రీడలు-2, ఉద్యోగులు-9, వైద్యులు-1, ఎన్‌జీవో-1, సోషల్ వర్క్-1, రైతులు-3, అంగన్‌వాడీ వర్కర్స్-1, ఉత్తమ మున్సిపాలిటీగా ఖమ్మం, ఉత్తమ గ్రామ పంచాయతీలు-3, న్యాయవాదులు-1, ఔత్సాహికులు-1, టీచర్లు-2, ఆధునిక రైతు-1, మాజీ సైనికులు-2, ధైర్యసాహసాలు-1 ఉన్నారు.