పవన్ కళ్యాణ్ చేయబోయే సినిమాల్లో అందరిలోనూ ఆసక్తి రేకెత్తిస్తోన్న సినిమా ‘ఓజీ’. సుజిత్ దర్శకత్వంలో ఈ సినిమా తెరకెక్కుతోంది.

ప్రియాంక మోహనన్ ఈ సినిమాలో హీరోయిన్‌గా నటిస్తోంది. కాగా ఈ సినిమా షూటింగ్ ఆగిపోయిందంటూ ఈ మధ్య ప్రచారం జోరందుకున్న సంగతి తెలిసిందే.

అయితే, ఆ ప్రచారంలో నిజం లేదని తేలుస్తూ.. చిత్ర యూనిట్ అందరికీ షాకిచ్చింది. ఈ సినిమా ప్రీ రిలీజ్ బిజినెస్ స్టార్ట్ చేసింది. అలాగే, ‘ఓజీ’ని సెప్టెంబర్‌లో రిలీజ్ చేయబోతున్నట్లు మేకర్లు హింట్ ఇచ్చారు.

ఇప్పటికే డెబ్బై శాతం షూటింగ్ పూర్తి చేసుకున్న ‘ఓజీ’ త్వరలో షూటింగ్ పార్ట్ పూర్తి చేసుకోనుందట. అంతే కాదు, పవన్ కళ్యాణ్‌ని షూట్‌లో పాల్గొనేందుకు సుజిత్ అండ్ టీమ్ ఒప్పించినట్లు తెలుస్తోంది. దాంతో ‘ఓజీ’ టీమ్ యాక్టివ్ అయ్యింది.

పవన్ కళ్యాణ్ కేవలం 15 రోజుల డేట్స్ కేటాయిస్తే.. ఈ సినిమా షూటింగ్ పూర్తయిపోతుందని అంటున్నారు. సో, డేట్స్ విషయంలో పవన్ కళ్యాణ్ నుంచి గ్రీన్ సిగ్నల్ వచ్చినట్లేనేమో.