అదేంటో.. బోయపాటి ఏ సినిమా చేసినా అచ్చు గుద్దినట్లుగా ఆ సినిమాలో హీరో బాలయ్యలాగే అనిపిస్తాడు. అలా బోయపాటికీ, బాలయ్యకీ కాంబినేషన్ పర్‌ఫెక్ట్‌గా సెట్ అయ్యింది. ఈ కాంబినేషన్‌లో వచ్చిన సినిమాలు హిట్ కావు.. అనడానికి సరిపోము.

అలా హిట్ అయిపోతాయంతే. అలా వచ్చిన సినిమానే ‘అఖండ’. ఈ సినిమా చూసి చాలా మందికి జ్వరాలొచ్చేసినా.. బాలయ్య అభిమానులు మాత్రం హిట్టు.. సూపర్ హిట్.. అంటూ ఈ సినిమాకి కాసుల వర్షం కురిపించారు.

అలాంటి ఈ సినిమాకి ఇప్పుడు మళ్లీ సీక్వెల్ రాబోతోంది. బాలయ్య డబుల్ రోల్ పోషించిన ఈ సినిమాకి సీక్వెల్ తెరకెక్కించాలంటూ చాలా కాలంగా అనుకుంటున్నారు. అయితే, ఇన్నాళ్లకు సెట్ అయ్యింది.

ఇది బాలయ్యకు 110 వ సినిమా కావడం విశేషం. 14 రీల్స్ బ్యానర్‌లో ‘అఖండ 2’ అఖండంగా రూపొందబోతోంది. పూర్తి వివరాలు త్వరలోనే వెల్లడి కానున్నాయ్.