న్యూఢిల్లీ: అబుదాబిలోని షేక్ జాయెద్ స్టేడియంలో జరిగిన భారతీయ ప్రవాస భారతీయుల మెగా సమావేశం 'అహ్లాన్ మోడీ' కార్యక్రమంలో భారతదేశం -యూఏఈ మధ్య ఉన్న బలమైన స్నేహ బంధాన్ని ప్రధాని నరేంద్ర మోడీ ప్రశంసించారు. యూఏఈలోని వివిధ ప్రాంతాల నుండి హాజరైన వారికి పీఎం మోదీ కృతజ్ఞతలు తెలిపారు. భారతదేశం, యూఏఈ 8 ఒప్పందాలపై సంతకం చేసినట్లు ప్రధాని మోదీ చెప్పారు.  “నేను నా కుటుంబ సభ్యులను కలవడానికి వచ్చాను. నువ్వు పుట్టిన నేల పరిమళాన్ని తీసుకొచ్చి 140 కోట్ల మంది ప్రజలకు సందేశం అందించాను. భారత్ మిమ్మల్ని చూసి గర్విస్తోంది.” అని ప్రధాని అన్నారు. ఈ సందర్భంగా  ప్రధాని మోదీ 2015లో తన తొలి యూఏఈ పర్యటన గురించి గుర్తుచేసుకున్నారు. ఎమిరాటీ నాయకత్వం తనకు అందించిన ఆప్యాయత,  స్నేహాన్ని వివరించారు. బుధవారం ఉదయం యూఏఈతో ద్వైపాక్షిక సంబంధాలపై చర్చించనున్నారు. సాయంత్రం మధ్యప్రాచ్యంలోని అతిపెద్ద బీఏపీఎస్ హిందూ దేవాలయాన్ని అబుధాబిలో ప్రారంభించనున్నారు.