మాస్ రాజా రవితేజ లెటెస్ట్‌గా ‘ఈగల్’ సినిమాతో సందడి చేసిన సంగతి తెలిసిందే. తర్వాత వెంటనే మరో సినిమా అప్డేట్ కూడా ఇచ్చేశారు. ఆల్రెడీ మాస్ రాజా, హరీష్ శంకర్ కాంబినేషన్‌లో ఓ సినిమా షూటింగ్‌లో వుందన్న సంగతి కూడా తెలిసిందే.

శరవేగంగా ఈ సినిమా షూటింగ్ జరుగుతోంది. తాజాగా వాలైంటైన్ డే స్పెషల్‌గా మాస్ రాజా అభిమానులకు ఓ గాఢమైన రొమాంటిక్ గిప్ట్ వదిలాడు. అదే తన తాజా సినిమా ‘మిస్టర్ బచ్చన్’ నుంచి ఓ రొమాంటిక్ పోస్టర్.

రొమాంటిక్ అంటే.. అలాంటిలాంటి రొమాన్స్ కాదు మరి. ‘ఎంత ఘాటు ప్రేమయో’ అనాల్సిందే ఆ పోస్టర్ చూసి. కుర్చీలో కూర్చున్న మాస్ రాజా ఒళ్లో తన ప్రేయసిని ఘాటుగా స్టైలిష్ పోజులో కౌగిలించుకున్న చిత్రమది.

ఈ పోస్టర్‌కి మంచి రెస్పాన్స్ వస్తోంది. ఇంతకీ మాస్ రాజా ఘాటు ప్రేమ కౌగిలిలో ఒదిగిపోయిన ఆ ముద్దుగుమ్మ ఎవరంటారా.? ఆమె పేరు భాగ్యశ్రీ బోర్సే.. ‘మిస్టర్ బచ్చన్’తో టాలీవుడ్‌కి పరిచయమవుతోంది. సహజంగానే హరీష్ శంకర్ సినిమాల్లో హీరోయిన్లు చాలా చాలా అందంగా వుంటారు. ఈ కొత్త భామను ఇంకెంత అందంగా చూపించి వుంటాడో చూడాలి మరి.