ఇస్తాంబుల్: టర్కిష్ ప్రభుత్వ పాఠశాలల్లో భూకంప భద్రతను పెంపొందించే చర్యలో సౌదీ ఫండ్ ఫర్ డెవలప్‌మెంట్ (SFD) సీఈఓ సుల్తాన్ అల్-మర్షద్.. టర్కీ ట్రెజరీ మరియు ఆర్థిక శాఖ డిప్యూటీ మంత్రి ఉస్మాన్ సెలిక్‌తో $55 మిలియన్ల సాఫ్ట్-లోన్ ఒప్పందాన్ని కుదుర్చుకున్నారు.  ఇస్తాంబుల్‌లో సౌదీ-టర్కిష్ ఇన్వెస్ట్‌మెంట్ అండ్ బిజినెస్ ఫోరమ్ సందర్భంగా ఈ ఒప్పందపై సంతకాలు చేశారు. ఈ ఆర్థిక సహాయం, టర్కీ అంతటా అనేక పాఠశాలలకు భూకంప ప్రమాదాన్ని తగ్గించే లక్ష్యంగా ప్రాజెక్ట్‌ను చేపట్టారు. SFD బోర్డ్ ఛైర్మన్ అహ్మద్ అల్-ఖతీబ్ మరియు టర్కీ ఆర్థిక మంత్రి మెహ్మెత్ సిమ్‌సెక్‌లు హాజరయ్యారు. 55,000 చదరపు మీటర్ల కంటే ఎక్కువ విస్తీర్ణంలో ఉన్న ఐదు ప్రభుత్వ పాఠశాలల అభివృద్ధి మరియు పునరుద్ధరణతో పాటు భూకంప నష్ట నివారణకు అవసరమైన పరికరాలు మరియు సామాగ్రి సేకరణకు ఈ రుణం నిధులను ఉపయోగించనున్నారు.