మవసలాత్‌, రోజూ రెండు ట్రిప్పుల బస్‌ సర్వీసుల్ని బుర్స్‌ సహ్‌వా నుంచి సోహార్‌ పోర్ట్‌ వరకు నడపాలని నిర్ణయించింది. రమదాన్‌ సందర్భంగా ఈ సర్వీసులను ఏర్పాటు చేశారు. ప్రస్తుతం మస్కట్‌ నుంచి సోహార్‌ మధ్య ప్రస్తుతం ఉన్న ఆరు ట్రిప్పులకు ఈ రెండు ట్రిప్పులు అదనంగా జోడై మొత్తం ఎనిమిది ట్రిప్పులకు చేరింది. బుర్స్‌ సహ్‌వా వద్ద ఉదయం 8.20 నిమిషాలకు ప్రారంభమవుతుందని, రెండో బస్‌ మధ్యాహ్నం 2.4 నిమిషాలకు ప్రారంభమవుతుందని అధికారులు చెప్పారు. ఒకవైపు ప్రయాణానికి టిక్కెట్‌ ధరను 1.6 ఒమన్‌ రియాల్స్‌గాను, రెండు వైపుల ప్రయాణానికి 2.9 ఒమన్‌ రియాల్స్‌గానూ నిర్ణయించారు. ఈ ధరలు కేవలం రమదాన్‌ సీజన్‌ వరకు మాత్రమే వర్తిస్తాయి. కొత్త సర్వీసులను ప్రయాణీకుల అవసరాల దృష్ట్యా ఏర్పాటు చేశామని వారు తెలిపారు.