యూఏఈ: ఉరుములు, మెరుపుల‌తో కూడిన భారీ వ‌ర్షాలు ఎమిరేట్స్ ను ముంచెత్తాయి. దీంతో ర‌హ‌దారులను వ‌ర‌ద ముంచెత్తాయి.  మ‌రోవైపు ప్రమాదాలు, ప్రమాదకర పరిస్థితులను నివారించేందుకు వాహనదారులు రోడ్లపై జాగ్రత్తగా ఉండాలని, నిబంధనలు పాటించాలని పోలీసులు హెచ్చరికలు జారీ చేశారు. ఇదిలా ఉండ‌గా జాతీయ వాతావరణ కేంద్రం (NCM) దేశవ్యాప్తంగా మరియు పొరుగు సముద్రాలలో కూడా ఆరెంజ్, ఎల్లో హెచ్చరికలను జారీ చేసింది. బుధవారం కూడా భారీ వర్షాల గురించి నివాసితులను హెచ్చరించింది. నివాసితులు షేర్ చేసిన‌ వ‌ర‌ద‌ల‌కు సంబంధించిన వీడియోలు సోష‌ల్ మీడియాలో వైర‌ల్ అవుతున్నాయి.