యూఏఈ: గత మూడేళ్లలో అపార్ట్‌మెంట్‌ అద్దె Dh19,000 పెరిగిందని దుబాయ్ నివాసి అబిన్ జార్జ్ తన జెబెల్ అలీ తెలిపారు. రియల్ ఎస్టేట్ రెగ్యులేటరీ అథారిటీ (రెరా) ఇండెక్స్ అప్‌డేట్ ప్రకారం..దీర్ఘకాల ప్రవాసులు సాధారణం కంటే ఎక్కువ అద్దె పెరుగుదలను అంచనా వేస్తున్నారు. సవరించిన ఇండెక్స్ రెండేళ్లుగా ఒకే ప్రాపర్టీలలో నివసిస్తున్న అద్దెదారులపై ప్రభావం చూపే అవకాశం ఉందని నిపుణులు తెలిపారు. "మేము ఇప్పటికే Dh59,000 చెల్లిస్తున్నాము. కానీ కొత్త అద్దె సూచికతో, అద్దెలు ఎక్కువగా ఉన్నాయని నేను భావిస్తున్నాను" అని జార్జ్ చెప్పారు.“అంతేకాకుండా, నేను ఇప్పుడు బయటకు వెళ్లాలనుకుంటే, ప్రస్తుత మార్కెట్‌లో 70,000 దిర్హామ్‌ల కంటే తక్కువ ధరకు నేను అలాంటి అపార్ట్‌మెంట్‌ను పొందలేను. తరలించడానికి అదనపు Dh5,000 ఖర్చు అవుతుంది. కాబట్టి, మేము అలాగే ఉండటానికి ప్లాన్ చేస్తున్నాము. ” అని పేర్కొన్నారు. కొత్త రెరా కాలిక్యులేటర్ అప్‌డేట్‌తో అద్దెలు 20 శాతం వరకు పెరగవచ్చని నిపుణులు తెలిపారు. 

దుబాయ్ స్పోర్ట్స్ సిటీలో నివసిస్తున్న ఎక్స్‌పాట్ రోరీ మాట్లాడుతూ.. "నా మూడు పడక గదుల టౌన్‌హౌస్ కోసం నేను Dh130,000 చెల్లిస్తున్నాను. గత రెండేళ్లలో మా ఇంటి ఓనర్ సంవత్సరానికి 5,000 దిర్హామ్‌లు మాత్రమే అద్దెను పెంచాడు. అయితే, నేను ఇప్పుడే రెరా ఇండెక్స్‌ని తనిఖీ చేసాను.  ఈ సంవత్సరం అతను అద్దెను కనీసం Dh19,000 పెంచడానికి అర్హులు. అది మాకు భరించలేని విధంగా చాలా ఎక్కువ అవుతుంది.” అని అవేదన వ్యక్తం చేశారు.