దోహా: ఖతార్ మ్యూజియంలు (QM) రమదాన్ కాలానికి సంబంధించి పని వేళలను ప్రకటించింది. దీని ప్రకారం మ్యూజియం గ్యాలరీలు శనివారం నుండి గురువారం వరకు, ఉదయం 9 నుండి మధ్యాహ్నం 2 గంటల వరకు మరియు రాత్రి 8 నుండి ఉదయం 12 గంటల వరకు..  శుక్రవారం రాత్రి 8 నుండి ఉదయం 12 గంటల వరకు తెరిచి ఉంటాయి. ఇదిలాఉండగా ఉదయం లేదా సాయంత్రం వేళలలో సందర్శకుల కోసం ప్రత్యేక ప్రదర్శనలు మరియు ఈవెంట్‌లను నిర్వహిస్తారు. మ్యూజియం ఆఫ్ ఇస్లామిక్ ఆర్ట్ (MIA)లో "ఫ్యాషనింగ్ యాన్ ఎంపైర్: టెక్స్‌టైల్స్ ఫ్రమ్ సఫావిడ్ ఇరాన్" ఫీచర్ చేయబడిన ప్రదర్శనలలో ఒకటి. ఇది సఫావిడ్ కాలంలో (1501–1736CE) ప్రత్యేకతలను హైలైట్ చేస్తుంది. దీంతో పాటుగా "గోల్డెన్ స్పైడర్ సిల్క్" మథాఫ్ వద్ద: అరబ్ మ్యూజియం ఆఫ్ మోడరన్ ఆర్ట్ లను చూడవచ్చు.  ఫుట్‌బాల్ ఔత్సాహికులు 3-2-1 ఖతార్ ఒలింపిక్ మరియు స్పోర్ట్స్ మ్యూజియంలో "జిదానే, 21వ శతాబ్దపు పోర్ట్రెయిట్"ని ఆస్వాదించవచ్చు.   ఫైర్ స్టేషన్‌లోని “పిపిలోట్టి రిస్ట్: ఎలక్ట్రిక్ ఇడిల్” మిడిల్ ఈస్ట్‌లో రిస్ట్ యొక్క మొదటి సర్వే ప్రదర్శనను చూడవచ్చు. వీటితోపాటు అనేక ప్రత్యేకతలను మ్యూజియం పరిసరాలు, గ్యాలరీలలో తెలుసుకోవచ్చు.