బహ్రెయిన్‌:  తీవ్ర వాగ్వాదం నేపథ్యంలో తన మాజీ భార్యపై దాడికి పాల్పడి, ఆమె వైకల్యానికి కారణమైన నిందితుడికి బహ్రెయిన్ హై అప్పీల్స్ కోర్టు మూడు నెలల జైలు శిక్ష విధించింది. బాధితురాలి సోదరి దాడిని ప్రత్యక్షంగా చూసి పోలీసులకు ఫిర్యాదు చేసింది. నిందితుడు బాధితురాలిపై దాడి చేశాడని, ఆమె తలపై కొట్టాడని, ఆమెను గోడపైకి నెట్టాడని ఫిర్యాదులో పేర్కొంది. ఈ క్రమంలో బాధితురాలి దంతాలు విరిగిపోయాయి. ఆమె ముఖానికి గాయాలయ్యాయి.  ఫలితంగా 1% శాశ్వత వైకల్యం ఏర్పడింది. విచారణ సమయంలో కోర్టు సాక్ష్యాలను విశ్లేషించింది. శిక్ష విధించే సమయంలో దాడి యొక్క తీవ్రత , జరిగిన నష్టాన్ని పరిగణనలోకి తీసుకొని నిందితుడికి మూడు నెలల జైలు శిక్ష విధిస్తున్నట్లు కోర్టు ఆదేశాలు జారీ చేసింది.