యూఏఈ: సాయంత్రం 5:30 కాగానే అబూ హైల్, హోర్ అల్ అంజ్, బరాహా వంటి ఇతర పొరుగు ప్రాంతాలలోని వేలాది మంది నివాసితులు బీట్ అల్ ఖీర్ సొసైటీ ఆధ్వర్యంలోని సామూహిక ఇఫ్తార్ టెంట్‌కి చేరుకుంటారు. ఈ సొసైటీ యూఏఈలోని 71 ప్రాంతాలలో సేవలను అందిస్తుంది. రమదాన్ సందర్భంగా ప్రతిరోజూ 35,300 భోజనాలను పంపిణీ చేస్తుంది. దేశవ్యాప్తంగా 55 వంటశాలలలో భోజనం తయారు చేస్తారు. 94 మంది వాలంటీర్ల బృందం ఈ ఉదాత్తమైన సేవలను విజయవంతంగా అమలు చేస్తుంది. పాత దుబాయ్‌లోని హోర్ అల్ ఐంజ్ పరిసరాల్లోనే వాలంటీర్లు 3,500 మందికి పైగా వ్యక్తులను ఇఫ్తార్ విందును అందజేస్తున్నారు. ప్రతి ఒక్కరికి లాబన్, బియ్యం, హరీసా, నీరు, పండ్లు, ఖర్జూరాలు మరియు స్వీట్లతో కూడిన ఇఫ్తార్ బాక్స్‌ను అందజేస్తారు.  ఉపవాసం ఉన్నప్పటికీ వాలంటీర్లు రోజంతా అవిశ్రాంతంగా పని చేస్తారు. ఇఫ్తార్ కోసం ఆహారాన్ని సిద్ధం చేయడానికి, ప్యాక్ చేయడానికి ఉదయం నుంచే పనిని ప్రారంభిస్తారు. సాయంత్రం 4:00 గంటలకు వాలంటీర్లు టెంట్‌ను శుభ్రం చేసి సిద్ధం చేస్తారు.