యూఏఈ: వరల్డ్ గోల్డ్ కౌన్సిల్ (WGC) దుబాయ్‌తో కలిసి హ్యాండ్ బ్యాగేజీలో తీసుకెళ్లే బంగారానికి సంబంధించిన సవాళ్లను పరిష్కరించడానికి పని చేస్తుంది. మిడిల్ ఈస్ట్ అండ్ పబ్లిక్ పాలసీ, డబ్ల్యుజిసి అధిపతి ఆండ్రూ నైలర్ మాట్లాడుతూ. ప్రయాణీకుల హ్యాండ్ బ్యాగేజీలో బంగారాన్ని రవాణా చేయడం వల్ల నిర్దిష్ట సవాళ్లు ఎదురవుతాయన్నారు. ఇటీవలే దుబాయ్ మల్టీ కమోడిటీస్ సెంటర్ (DMCC)లో మిడిల్ ఈస్ట్ కోసం కొత్త కార్యాలయం మరియు ప్రాంతీయ ప్రధాన కార్యాలయాన్ని ప్రారంభించిన కౌన్సిల్.. హ్యాండ్ లగేజీలో బంగారం అక్రమ వ్యాపారం ద్వారా ఎదురయ్యే సవాళ్లను పరిష్కరించడానికి గత సంవత్సరం ఒక ప్రాజెక్ట్‌ను ప్రకటించింది. ఇదిలా ఉండగా.. ప్రయాణీకులు తమ లగేజీలో బంగారు కడ్డీలు, నాణేలు మరియు ఆభరణాలను తీసుకువెళ్లే విషయంలో ఆమోదించబడిన ప్రమాణాలు స్పష్టంగా లేవు. కొన్ని దేశాలు ఎంత వరకు తీసుకెళ్లవచ్చనే దానిపై పరిమితులు విధించగా, మరికొన్ని ప్రయాణికులు వాటిని ప్రకటించాలని కోరుతున్నాయి. DMCC ఎగ్జిక్యూటివ్ ఛైర్మన్ మరియు చీఫ్ ఎగ్జిక్యూటివ్ ఆఫీసర్ అహ్మద్ బిన్ సులేయం మాట్లాడుతూ.. హ్యాండ్ లగేజీలో తీసుకెళ్లే బంగారాన్ని అడ్డుకోవడం తమ ప్రాధాన్యత అని చెప్పారు.  మరోవైపు గత గురువారం యూఏఈలో బంగారం ధరలు రికార్డు స్థాయికి చేరుకున్నాయి. 24K వేరియంట్ గోల్డ్ ధర గ్రాముకు Dh266.75 పలికింది.