నాగ చైతన్య హీరోగా చందూ మొండేటి  ప్రతిష్టాత్మకంగా తెరకెక్కిస్తున్న చిత్రం ‘తండేల్’. ఈ సినిమా ప్రస్తుతం శరవేగంగా షూటింగ్ జరుపుకుంటోంది.

ఈ సినిమా కోసం నాగ చైతన్య కంప్లీట్ మేకోవర్‌తో కనిపిస్తున్నాడు. స్లాంగ్ కూడా మార్చేశాడు. పూర్తిగా ఉత్తరాంధ్ర యాసలో డైలాగులు పలుకుతున్నాడు.

మొన్నా మధ్య రిలీజ్ చేసిన గ్లింప్స్‌కి మంచి రెస్పాన్స్ వచ్చింది. ప్యాన్ ఇండియా రేంజ్‌లో ఈ సినిమాని రిలీజ్ చేస్తున్నారు.

కాగా, ఈ సినిమాని సంక్రాంతికి రిలీజ్ చేయాలని అనుకున్నారు. కానీ, అంతకన్నా ముందే.. అంటే ఈ ఏడాదిలోనే రిలీజ్ చేయనున్నట్లు తెలుస్తోంది.

తాజాగా ఈ సినిమా రిలీజ్ డేట్‌పై ఓ క్లారిటీ వచ్చినట్లు తెలుస్తోంది. డిశంబర్‌లోనే సినిమాని రిలీజ్ చేయబోతున్నారట.

అది కూడా క్రిస్‌మస్ సందర్భంగా. డిశంబర్ 20న ‘తండేల్’ రిలీజ్ చేసేందుకు సర్వం సిద్ధం చేస్తున్నారట. సాయి పల్లవి హీరోయిన్‌గా నటిస్తోంది ఈ సినిమాలో.