‘కార్తికేయ 2’ సినిమాతో నిఖిల్ సిద్దార్ధ్ రేంజ్ మారిపోయింది. ఈ సినిమా ప్రపంచ వ్యాప్తంగా భారీ వసూళ్లు రాబట్టిన సంగతి తెలిసిందే. దాంతో, నిఖిల్ ఇమేజ్ ప్యాన్ ఇండియా స్థాయికి చేరుకుంది కూడా.

ఇక తాజాగా నిఖిల్ ‘స్వయంభు’ అనే పీరియాడికల్ చిత్రంలో నటిస్తున్న సంగతి తెలిసిందే. ఈ సినిమాలో సంయుక్తా మీనన్ హీరోయిన్‌గా నటిస్తోంది.

అలాగే, నభా నటేష్ వారియర్ క్వీన్‌గా ఓ ఇంపార్టెంట్ రోల్ పోషిస్తోంది కూడా. తాజాగా ఈ సినిమాకి సంబంధించి ఓ అప్డేట్ ఇండస్ర్టీలో చక్కర్లు కొడుతోంది.

భారీ స్కేల్‌లో ఈ సినిమాని తెరకెక్కిస్తున్నారట. తాజా షెడ్యూల్‌లో భాగంగా ఓ బీభత్సమైన యాక్షన్ ఎపిసోడ్ చిత్రీకరిస్తున్నారట. అందుకోసం దాదాపు 70 కోట్లు వ్యత్యించి రెండు భారీ సెట్లు డిజైన్ చేశారట.

దాదాపు 1000 మంది ఆర్టిస్టులతో ఈ భారీ వార్ ఎపిసోడ్ చిత్రీకరిస్తున్నారట. ప్రపంచ స్థాయి గొప్ప టెక్నీషియన్స్ ఈ యాక్షన్ ఘట్టానికి దృశ్య రూపం ఇచ్చేందుకు కష్టపడుతున్నారట.

సినిమాలో ఈ యాక్షన్ ఎపిసోడ్‌ న భూతో న భవిష్యతి అనే స్థాయిలో వుండబోతోందని తెలుస్తోంది.