యూఏఈ: ఎమిరేట్‌లో ట్రాఫిక్‌ను మెరుగుపరిచేందుకు దుబాయ్ కొత్త ప్రణాళికను ప్రారంభించింది. ట్రాఫిక్‌ను సులభతరం చేయడానికి తీసుకోబోయే చర్యలలో పాఠశాల రవాణాను ఉపయోగించేలా విద్యార్థులను ప్రోత్సహించడానికి ఒక విధానాన్ని అభివృద్ధి చేసే ప్రణాళిక కూడా ఉంది. "ఇది పాఠశాలల చుట్టూ ట్రాఫిక్ ప్రవాహాన్ని 13 శాతం మెరుగుపరచడంలో సహాయపడుతుంది" అని అధికారులు పేర్కొన్నారు. దీనిపై యూఏఈ నివాసి ఫరా షా స్పిందించారు. ట్రాఫిక్‌పై పాఠశాలల ప్రభావం స్పష్టంగా కనిపిస్తుంది. "పాఠశాలలకు సెలవులు ఉన్నప్పుడు, ట్రాఫిక్ తక్కువగా ఉంటుంది" ఆమె చెప్పింది. "తల్లిదండ్రులు తమ పిల్లలను పాఠశాలకు తీసుకెళ్లడం వల్ల ట్రాఫిక్‌ పెరుగుతుందని తెలుస్తోంది. దీనిని పరిష్కరించడానికి, మేము పాఠశాల బస్సులను ఉపయోగించుకునేలా తల్లిదండ్రులను ప్రోత్సహించాలి. దీన్ని చేయడానికి ఒక మార్గం ఏమిటంటే, స్కూల్ బస్సు కంపెనీలకు వారి ఖర్చులను తగ్గించుకోవడానికి మద్దతు ఇవ్వడం, తల్లిదండ్రులకు పాఠశాల బస్సులను ఉపయోగించడం వల్ల కలిగే ప్రయోజనాలను ప్రచారం చేయాలి.’’ అని సూచించారు. అయితే, కొంతమంది తల్లిదండ్రులు పాఠశాల బస్సును ఉపయోగించడం కంటే పాఠశాలకు తమ వాహనాల్లో తీసుకెళ్లడమే మేలని భావిస్తున్నారు. ఎందుకంటే అధిక ఖర్చులు మరియు సుదీర్ఘ ప్రయాణ సమయాలు ప్రధాన కారణాలుగా ఉన్నాయి. స్కూల్ మేనేజ్ మెంట్లు బస్సుల ఛార్జీలను తగ్గిస్తే మేలని పేరెంట్స్ చెబుతున్నారు.