మనామా: రాజ్యంలో రెండు నకిలీ సంస్థలు విశ్వవిద్యాలయాలపై చర్యలు తీసుకోవాలని పబ్లిక్ ప్రాసిక్యూషన్‌ను ఉన్నత విద్యా మండలి కోరింది. ఈ సంస్థలు చట్టవిరుద్ధంగా పౌరులు మరియు నివాసితులకు విద్యా కార్యక్రమాలు, సేవలను అందిస్తున్నాయని పేర్కొంది. చట్టం, ఉన్నత విద్యా నిబంధనలు,  ఆమోదించబడిన విధానాలను ఉల్లంఘించాయని తెలిపింది.  "తన ప్రత్యేక పర్యవేక్షణ ద్వారా కౌన్సిల్ ఈ నకిలీ విశ్వవిద్యాలయాలను గుర్తించింది. ఇవి గుర్తింపు పొందిన వర్సిటీల మాదిరిగానే డిగ్రీలను అందిస్తామని, ఆన్‌లైన్ ప్లాట్‌ఫారమ్‌లు మరియు సోషల్ మీడియా ద్వారా బహ్రెయిన్‌లో ఫిజికల్ క్యాంపస్ ఉందని తప్పుడు ప్రచారం చేస్తోంది. తద్వారా పౌరులు మరియు నివాసితులను ఆకర్షిస్తు వారిని తప్పుదోవ పట్టిస్తుంది. " అని కౌన్సిల్ పేర్కొంది.  చట్టపరమైన అధికారులు తమ అవసరమైన దర్యాప్తును పూర్తి చేసిన తర్వాత ఈ నకిలీ విద్యా సంస్థల పేర్లను బహిరంగంగా ప్రకటిస్తామని కౌన్సిల్ వెల్లడించింది. అదే సమయంలో కౌన్సిల్ వెబ్‌సైట్‌లో పూర్తి వివరాలు ఉన్నాయని, బహ్రెయిన్‌లోని ఆమోదించబడిన విద్యాసంస్థలు, ప్రోగ్రామ్‌ల జాబితాలను జాగ్రత్తగా పరిశీలించాలని పౌరులు మరియు నివాసితులను కౌన్సిల్ కోరింది.  బహ్రెయిన్‌లోని అసలైన, లైసెన్స్ పొందిన యూనివర్సిటీ క్యాంపస్‌తో లింక్ చేయని అనామక సర్టిఫికేట్‌లను అందించే మోసపూరిత ప్రకటనలకు స్పందించవద్దని, వాటి బారిన పడవద్దని కౌన్సిల్ హెచ్చరించింది.