యూఏఈ: శుక్రవారం తెల్లవారుజామున ఉమ్ అల్ క్వైన్‌లోని స్ట్రే డాగ్స్ సెంటర్ కేర్‌టేకర్ షెల్టర్‌లోని ఒక విభాగంలోకి ప్రవేశించిన ఓ విషపూరిత వైపర్ అక్కడ 3 హస్కీలను కాటు వేసింది. "మా అభయారణ్యం ప్రాంతంలో మా మూడు హస్కీలను పాము కరిచింది. ఇక్కడ స్వచ్ఛమైన జాతికి చెందిన కుక్కలు ప్రతిరోజూ స్వేచ్ఛగా పరిగెత్తుతాయి" అని స్ట్రే డాగ్స్ సెంటర్ వ్యవస్థాపకుడు అమీరా విలియం చెప్పారు. ఆ సమయంలో, ఏడు కుక్కలు ఆ విభాగంలో ఉన్నాయని తెలిపారు.

అయితే పాముకరిచిన 30 నిమిషాల్లో బ్రిటిష్ వెటర్నరీ ఆసుపత్రికి తరలించామని పేర్కొన్నారు. వైపర్ ఫోటో మరియు వీడియోను చూస్తే, అది  ఆడ అరేబియా కొమ్ముల వైపర్ ( సెరాస్టెస్ గ్యాస్పెరెట్టి ) అని ఒక నిపుణుడు వెల్లడించాడు. ఈ వైపర్లు విషపూరితమైనవి మరియు మానవులకు గణనీయమైన ప్రమాదాన్ని కలిగిస్తాయని తెలిపారు. కాగా యూఏఈ అనేక వైపర్ జాతులకు నిలయంగా ఉంది. వీటిలో అరేబియన్ కొమ్ముల వైపర్ (సెరాస్టెస్ గ్యాస్‌పెరెట్టి), రంపపు స్కేల్డ్ వైపర్ (ఎచిస్ కారినాటస్) ఉన్నాయి. వైపర్‌లతో పాటు సాండ్ బోవా (ఎరిక్స్ జయకరి), స్కోకరి సాండ్ రేసర్ (ప్సామ్మోఫిస్ స్కోకరి), ఎడారి ఫాల్స్ కోబ్రా (మాల్పోలోన్ మొయిలెన్సిస్) వంటి అనేక ఇతర స్నెక్స్ తరచూ కనిపిస్తాయని నిపుణులు తెలిపారు.