కువైట్: కువైట్ లో రికార్డు స్థాయిలో ఉష్ణోగ్రతలు నమోదు అవుతున్నాయి. బుధవారం ఉష్ణోగ్రతలు 47 డిగ్రీల సెల్సియస్‌కు చేరుకోవడంతో.. ఎలక్ట్రికల్ లోడ్ ఇండెక్స్ కొత్త గరిష్టాన్ని నమోదు చేసి15,411 మెగావాట్లకు చేరుకుంది.ఇది ఆరెంజ్ లైన్‌ను సూచిస్తుందని అధికారులు తెలిపారు. నివేదికల ప్రకారం, ప్రస్తుత వేసవిలో లోడ్లు 17,600 మెగావాట్లకు చేరుకుంటాయని అంచనా వేస్తున్నారు.  పీక్ పీరియడ్‌లో ఇంధన వినియోగాన్ని తగ్గించడానికి కృషి చేస్తున్నట్లు విద్యుత్ మంత్రిత్వ శాఖ వెల్లడించింది. ఇదిలా ఉండగా, ఈ వారాంతంలో ఉష్ణోగ్రతలు 50 డిగ్రీలకు చేరుకుంటుందని వాతావరణ శాఖ అంచనా వేయడంతో, రాబోయే రోజుల్లో విద్యుత్ వినియోగం కొత్త రికార్డులు నమోదు చేస్తుందని భావిస్తున్నారు.