యూఏఈ: యూఏఈలో  వేసవి కాలం  ప్రారంభమైంది. గత వారం ఉష్ణోగ్రతలు 49°C దాటాయి. జూన్‌లో యూఏఈలో పడే అవకాశం ఉన్న అడపాదడపా వర్షాల రూపంలో నివాసితులకు ఉపశమనం కలుగనుంది. వాస్తవానికి జూన్ మూడవ వారంలో  సమ్మర్  సీజన్ ప్రారంభమవుతుంది. వేసవి ప్రారంభం కాగానే, మే నెల వరకు సగటు ఉష్ణోగ్రతలు సుమారుగా 2-3°C పెరుగుతాయి అని నేషనల్ సెంటర్ ఆఫ్ మెటియోరాలజీ (NCM) నుండి వాతావరణ నిపుణుడు డాక్టర్ అహ్మద్ హబీబ్  అన్నారు.

జూలై మధ్యలో తీవ్రమైన ఉష్ణోగ్రతలు
నమోదయ్యే అవకాశం ఉందని నిపుణులు  చెప్పారు. అత్యంత తీవ్రమైన వేసవి కాలం సాధారణంగా జూలై మధ్య నుండి మొదలై ఆగస్టు చివరి వరకు ఉంటుంది. ఇదిలా ఉండగా, జూన్ నుంచి సెప్టెంబర్ వరకు యూఏఈలో వేసవి సీజన్ అధికారికంగా కొనసాగుతాయని హబీబ్ వివరించారు.