‘ఆర్ ఎక్స్ 100’ సినిమాలో ఆమె నటనకు విమర్శకుల ప్రశంసలు దక్కాయ్. స్టన్నింగ్ రోల్‌లో నటించి వావ్ అనిపించుకుంది ఆ సినిమాతో పాయల్ రాజ్ ‌పుత్. అంతేకాదు, సెన్సేషన్ డెబ్యూని తన ఖాతాలో వేసుకున్న ముద్దుగుమ్మ కూడా పాయల్.

అయితే, ఆ తర్వాత చెప్పుకోదగ్గ అవకాశాలు రాకపోవడం, అడపా దడపా వచ్చిన కొన్ని స్టార్ ఛాన్సులు సైతం ఆమె కెరీర్‌కి ఏమాత్రం యూజ్ కాకపోవడంతో పాయల్ రేస్‌లో వెనకే వుండిపోయింది.

పాయల్ నుంచి చివరిగా వచ్చిన ‘మంగళవారం’ సినిమా జనాల నోళ్లలో మెదిలింది. కోరికలు ఆపుకోలేకపోవడం అనే ఓ రకమైన మానసిక వ్యాధితో బాధపడే యువతిగా ఆ సినిమాలో పాయల్ పాత్రకు ప్రశంసలు దక్కాయ్. తెగ పొగడ్తలు గుప్పించారు ఈ సినిమాపై.

ఓటీటీలోనూ బాగానే సందడి చేసింది ఈ ‘మంగళవారం’ సినిమా. ఇలాంటి ఓ సక్సెస్ తర్వాత పాయల్ రాజ్‌పుత్ నుంచి తాజాగా ఇంకో సినిమా రాబోతోంది. అదే ‘రక్షణ’. ఈ సినిమాలో పాయల్ రాజ్‌పుత్ ఓ పవర్ ఫుల్ పోలీసాఫీసర్ పాత్రలో నటిస్తోంది. క్రైమ్ థ్రిల్లర్ బ్యాక్ గ్రౌండ్ వున్న సినిమాలకు బాగా క్రేజ్ వున్న నేపథ్యంలో ఈ సినిమా టాక్ కొంచెం బాగున్నా.. పాయల్‌కి పండగే.!