హైదరాబాద్: ఈనాడు సంస్థల అధినేత, రామోజీ గ్రూప్ ఛైర్మన్ చెరుకూరి రామోజీ రావు గ‌త కొంతకాలంగా అనారోగ్య స‌మ‌స్య‌ల‌తో బాధ‌ప‌డుతున్నారు. ఈ క్ర‌మంలో శుక్రవారం మధ్యాహ్నం రామోజీ రావు తీవ్ర అస్వస్థతకు గురవడంతో.. వెంటనే ఆయనను హైదరాబాద్ శివారులో ఉన్న రామోజీ ఫిల్మ్ సిటీలోని రామోజీ రావు నివాసం నుంచి.. నానక్‌రామ్‌గూడలోని స్టార్ హాస్పిటల్‌కు తరలించారు. వైద్యులు ఆయ‌న‌కి వెంటిలేట‌ర్‌పై చికిత్స అందించారు. ఆయ‌న ఆరోగ్య ప‌రిస్థితి విష‌మించ‌డంతో కొద్ది సేప‌టి క్రితం క‌న్నుమూసారు. ఆయ‌న పార్ధివ దేహాన్ని ఫిలింసిటీలోని నివాసానికి త‌ర‌లించ‌నున్నారు. రామోజీరావు క‌న్నుమూసార‌న్న వార్తతో ప్ర‌తి ఒక్క‌రు దిగ్భ్రాంతి చెందుతున్నారు.ఆయ‌న ఆత్మ‌కి శాంతి చేకూరాల‌ని ప్రార్ధిస్తున్నారు.