రియాద్: గ్రీన్ రియాద్ ప్రాజెక్ట్ రాజధాని నగరం రియాద్‌లో అల్-మున్సియా, రిమాల్ మరియు అల్-ఖాదిసియా పరిసరాల్లో 550,000 చదరపు మీటర్ల కంటే ఎక్కువ విస్తీర్ణంతో మూడు ప్రధాన పార్కుల నిర్మాణ పనులను ప్రారంభించినట్లు ప్రకటించింది. గ్రీన్ రియాద్ రియాద్‌ను ప్రపంచంలోనే అత్యంత నివాసయోగ్యమైన నగరాల్లో ఒకటిగా మార్చాలని లక్ష్యంగా పెట్టుకున్నట్లు తెలిపింది. కొత్త ప్రాజెక్టులు జీవన నాణ్యతను పెంచుతాయని, నగర నివాసితులు మరియు సందర్శకులకు వినోద ప్రదేశాలను అందిస్తాయని,   పచ్చని ప్రదేశాలను ఇప్పుడు ఉన్నదానికంటే 16 రెట్లు పెంచుతాయని, రియాద్ నగరాన్ని అత్యంత స్థిరమైన నగరాల్లో ఒకటిగా మారుస్తాయని వెల్లడించారు.  కొత్తగా రూపొందే ఉద్యానవనాలలో 18 కి.మీ నడక మార్గాలు, 8 కి.మీ రన్నింగ్ పాత్‌లు, 8.5 కి.మీ సైకిల్ మార్గాలు మరియు 22 పిల్లల కోసం ఆట స్థలాలు ఉంటాయన్నారు.