మక్కా: కొన్ని పర్వత ప్రాంతాలలో 72 డిగ్రీల సెల్సియస్‌కు చేరుకునే పవిత్ర ప్రదేశాలలో అధిక ఉపరితల ఉష్ణోగ్రతలకు గురికావడం వల్ల కలిగే ప్రమాదాల గురించి ఆరోగ్య మంత్రిత్వ శాఖ (MoH) హజ్ యాత్రికులను హెచ్చరించింది. యాత్రికులు ఎక్కువసేపు సూర్యరశ్మికి గురికావడం వారి ఆరోగ్యానికి పెద్ద ప్రమాదాన్ని కలిగిస్తుందని మంత్రిత్వ శాఖ హెచ్చరించింది. ఈ సంవత్సరం హజ్ సీజన్ మక్కాలో అధిక ఉష్ణోగ్రతలతో వస్తుందని,  యాత్రికులు ఎదుర్కొనే అతిపెద్ద సవాల్ ఇదేనని పేర్కొంది. యాత్రికులు సూర్యరష్మికి నేరుగా బహిర్గతం కాకుండా ఉండటానికి ఎల్లప్పుడూ గొడుగులను ఉపయోగించాలని, దాహం అనిపించకపోయినా రోజంతా తగినంత పరిమాణంలో నీరు త్రాగాలని MoH పిలుపునిచ్చింది. యాత్రికులు అన్ని ఆరోగ్య సూచనలు మరియు సలహాలకు కట్టుబడి ఉండాలని, ఉదయం 11 నుండి మధ్యాహ్నం 3 గంటల వరకు పీక్ అవర్స్‌లో బయటకు వెళ్లడం మరియు నేరుగా సూర్యకిరణాలకు గురికావడం లేదా నడవడం లేదా ఉపరితలాలను తాకడం మానుకోవాలని కూడా సూచించారు.