రాముడు, కృష్ణుడి కాన్సెప్ట్‌తో రూపొందుతోన్న సినిమాలకు నార్త్ ఇండియన్లు పట్టం కడుతున్నారు. కాస్టింగ్‌తో సంబంధం లేకుండా బ్రహ్మరధం పట్టేస్తున్నారు. అలాగే ‘కార్తికేయ 2’ సినిమా నార్త్‌లో సంచలనాలు సృస్టించింది.

ఏమాత్రం కంటెంట్ బాగుందన్న టాక్ వచ్చినా బాలీవుడ్ జనం బాగా ఆదరిస్తున్నారు ఆయా సినిమాల్ని. ఇక, ఇప్పుడు ‘కల్కి’ వంతొచ్చింది. ఈ సినిమాని తెలుగులో కన్నా హిందీలోనే ఎక్కువగా ప్రమోట్ చేశారు కూడా.

ఇక, రిలీజ్ తర్వాత టాక్ కూడా బాగానే వుంది. కృష్ణుడి ప్రస్థావనతో పాటూ, మహాభారతం.. ఆయా పాత్రల ప్రస్థావన ఎక్కువగా ఈ సినిమాలో చూపించారు. కీలక పాత్రధారుడిగా అమితాబ్ బచ్చన్ కనిపిస్తుండడంతో ఈ సినిమా బాలీవుడ్‌లో రికార్డులు కొల్లగొట్టేయడం ఖాయమంటున్నారు ట్రేడ్ పండితులు.

ఇంతవరకూ ప్రబాస్ చేసిన సినిమాల్లోకెల్లా ‘కల్కి 2898ఏడీ’కి వచ్చిన పాజిటివ్ టాక్ మెచ్చుకోదగ్గది. సో, ఈ సినిమాని తెలుగు రాష్ట్రాల ప్రజల సంగతెలా వున్నా.. బాలీవుడ్ జనం మాత్రం నెత్తిన పెట్టుకుని మోస్తారన్న టాక్ వినిపిస్తుంది.