ప్రతీ ఏడాదీ బిగ్‌బాస్ సీజన్, నాగార్జునకి పండగే అని చెప్పొచ్చు. సరిగ్గా అదే టైమ్‌కి ఆయన ఓ మల్టీ స్టారర్ సినిమాని కూడా లైన్‌లో వుంచుకుంటూ వస్తున్నారు గత రెండు సీజన్లుగా.

ఈ ఏడాది కూడా అదే సాంప్రదాయాన్ని కొనసాగించారు. ఈ సారి భారీ మల్టీ స్టారరే లైన్‌లో పెట్టేశారాయన. అదే ‘కుబేర’. శేఖర్ కమ్ముల దర్శకత్వంలో ఈ సినిమా తెరకెక్కుతోంది.

నాగార్జునతో పాటూ, తమిళ స్టార్ హీరో ధనుష్ ఈ సినిమాలో ప్రధాన పాత్రలో నటిస్తున్నారు. రష్మిక మండన్నా హీరోయిన్‌గా నటిస్తోంది. గతంలో నాగార్జున, నాని, రష్మిక మండన్నా కాంబినేషన్‌లో వచ్చిన ‘దేవదాస్’ సినిమా మంచి హిట్ అయ్యింది.

ఈ సారి శేఖర్ కమ్ముల తెరకెక్కిస్తున్న ‘కుబేర’ సినిమాపై మంచి అంచనాలున్నాయ్. అలాగే ‘బిగ్‌బాస్’ టైమ్‌లో ఈ సినిమాని నాగార్జున తనదైన స్థాయిలో ప్రమోట్ చేసుకోవడానికి రంగం సిద్ధం చేస్తున్నారు కూడా. చూడాలి మరి, ఓ వైపు బిగ్‌బాస్, ఇంకోవైపు ‘కుబేర’ నాగ్‌ని బాక్సాఫీస్ కుబేరుడ్ని చేస్తుందేమో.!