ప్రస్తుతం రాజకీయాల్లో చాలా బిజీగా వున్నారు పవన్ కళ్యాణ్. కాదు కాదు డిప్యూటీ సీఎం పవన్ కళ్యాణ్. ఈ టైమ్‌లో సినిమాలంటే కష్టమేగా.! కానీ, కొద్దిగా టైమ్ తీసుకుంటాననీ, ఒప్పుకున్న సినిమాలు పూర్తి చేస్తానని నిర్మాతలకి మాటిచ్చానని తాజాగా పవన్ కళ్యాణ్ తెలిపారు.

అయితే, మిగిలిన సినిమాలెలా వున్నా.. ‘ఓజీ’పై ఆయన క్లారిటీ ఇచ్చేశారు. దాదాపు 70 శాతం షూటింగ్ పూర్తి చేసుకున్న ‘ఓజీ’ కోసం మరో రెండు రోజులు టైమ్ కేటాయిస్తే పవన్ షూటింగ్ పార్ట్ కంప్లీట్ అయిపోతుందట. వీలు చూసుకుని ఆ రెండు రోజుల టైమ్ కేటాయిస్తాననీ త్వరలోనే ‘ఓజీ’ ప్రేక్షకుల ముందుకొస్తుందనీ ఆయన తెలిపారు.

అంతేకాదు, ‘ఓజీ’ సినిమా చాలా బాగుంటుందని ఖచ్చితంగా ప్రేక్షకుల ముందుకొస్తుంది చూద్దురుగానీ బావుంటుంది.. అని పవన్ కళ్యాణ్ తెలిపారు. రాజకీయంగా చేయాల్సిన కొన్ని చిన్న చిన్న పనుల్ని చక్కబెట్టేసి షూటింగ్‌కి హాజరవుతా.! అన్నారాయన.

రీసెంట్‌గా పిఠాపురంలో జరిగిన ఓ మీటింగ్‌లో డిప్యూటీ సీఎం హోదాలో వుండి పవన్ కళ్యాణ్ చెప్పిన ఈ మాటలు ఫ్యాన్స్‌లో ఉత్సాహం నింపాయ్. అలాగే నిర్మాతల్లో కూడా.