హీరోయిన్ల పెళ్లి వార్తలంటే ఎప్పుడూ క్రేజీ న్యూసే. కొన్ని ప్రచారాలు కొన్ని సార్లు నిజమవుతుంటాయ్. కొన్ని మాత్రం ప్రచారాలుగానే మిగిలిపోతుంటాయ్. రీసెంట్‌గా ‘జెంటిల్‌మెన్’ బ్యూటీ నివేదా థామస్ పైనా పెళ్లి వార్తలు గుప్పుమన్నాయ్.

అయితే తాజాగా ఆమె తన పెళ్లి పుకార్లకు చెక్ పెట్టేసింది. ఈయనే నా భర్త అంటూ తన భర్తను పరిచయం చేయడంతో పాటూ, ఇద్దరు పిల్లల్ని కూడా పరిచయం చేసింది. 

అసలు మ్యాటర్ ఏంటంటే, నివేదా థామస్ తాజాగా ‘35 చిన్న కథ కాదు’ అనే సినిమాలో నటిస్తోంది.

ఈ సినిమా ఆగస్టు 15న ప్రేక్షకుల ముందుకు రానుంది. ఈ నేపథ్యంలో భాగంగా రిలీజైన టీజర్ ఈవెంట్‌లోనే తన భర్త, ఇద్దరు పిల్లల్ని పరిచయం చేసి క్రేజీ బ్యూటీ అనిపించుకుంది నివేదా థామస్.

ఈ సినిమాలో పెళ్లయ్యి ఇద్దరు పిల్లలకు తల్లిగా నటిస్తోంది నివేదా థామస్. పిల్లలు, చదువులు, వారి మార్కులు.. ఆయా సందర్భాల్లో పిల్లల భావోద్వేగాలు.. ఈ నేపథ్యంలో రూపొందిన సినిమానే ‘35 చిన్న కథ కాదు’. టీజర్ బాగుంది.

హిలేరియస్‌గా వుండడంతో పాటూ, ఎమోషనల్ సీన్లు కూడా ఆకట్టుకుంటున్నాయ్. నివేదా పర్‌ఫామెన్స్ మరోసారి నెక్స్‌ట్ లెవల్ అనిపించేలా వుంది. ప్రేక్షకుల రెస్పాన్స్ ఎలా వుండబోతోందో తెలియాలంటే ఆగస్టు 15 వరకూ ఆగాల్సిందే.