కువైట్: చట్ట పరిధిలో లేని ఏ రకమైన ఫోటోగ్రఫీ లేదా వీడియో రికార్డింగ్ అయినా రోగుల గోప్యతను ఉల్లంఘించడమేనని కువైట్ ఆరోగ్య మంత్రిత్వ శాఖ స్పష్టం చేసింది. ప్రతి ఒక్కరూ రోగుల గోప్యతను గౌరవించాలని తెలిపింది. వైద్య డేటాను రక్షించడం దాని అత్యంత ముఖ్యమైన ప్రాధాన్యతలలో ఒకటి అని పేర్కొంది.

చట్టం 70/2020లోని ఆర్టికల్ 21ని ప్రస్తావిస్తూ.. సంబంధిత పార్టీల నుంచి ముందస్తుగా వ్రాతపూర్వక అనుమతి పొందకపోతే, వారు ఆరోగ్య సదుపాయంలో ఉన్నప్పుడు రోగులను లేదా ప్రాక్టీషనర్‌లను ఫోటో తీయడం లేదా వీడియో తీయడం నిషేధించినట్టు మంత్రిత్వ శాఖ గుర్తుచేసింది.  విద్య, డాక్యుమెంటేషన్, పరిశోధన మరియు మరిన్ని ప్రయోజనాల కోసం రోగి నుండి వ్రాతపూర్వక సమ్మతి తీసుకొని మాత్రమే రికార్డింగ్‌ను చేపట్టాలని తెలిపింది.